हेटौंडाः हेटौंडा–९, लामसुरेस्थित कृष्ण आदर्श बोर्डिङ स्कुलले २०७ औं भानु जयन्तीको उपलक्ष्यमा सोमबार अन्तर कक्षा (८, ९, १०) स्तरीय कविता प्रतियोगिता आयोजना गरेको छ । विद्यालयका प्रधानाध्यापक नवीन केसीको सभाध्यक्षता तथा संस्थागत विद्यालय अभिभावक संघ मकवानपुरका अध्यक्ष रमिला सापकोटाको प्रमुख आतिथ्यमा भएको कार्यक्रममा १३ जना विद्यार्थी सहभागी थिए ।
प्रतियोगितामा कक्षा ८ की श्रेया पराजुली प्रथम, कक्षा ९ की सालु यादव द्वितीय, कक्षा १० की कृपा सिंह तृतीय तथा कक्षा १० कै खुसी पौडेल र निमा लामा सान्त्वना भएका छन् । प्रतियोगितामा प्रथम, द्वितीय, तृतीय तथा सान्त्वना हुने विद्यार्थीलाई पुरस्कृत गरिएको छ । प्रतियोगिताको निर्णायकमा साहित्य संगम मकवानपुरका सचिव डीबी बर्तौला, कृष्ण आदर्शकी नेपाली विषय शिक्षकद्वय दुर्गा कार्की र कल्पना खतिवडा हुनु हुन्थ्यो ।
