हेटौंडाः हेटौंडामा जारी मकवानपुर जिल्ला लिग फुटबल प्रतियोगिता अन्तर्गत आज आइतबार दुई खेल हुँदैछ । हेटौंडा–५ स्थित पिप्ले क्याम्पा रंगशालामा समुह ‘डी’ का दुई खेल हुन लागेको हो ।
आइतबारको पहिलो खेलमा दिउँसो १ बजे हाँडीखोला युवा क्लब र एफसी चाइना क्वाटर बीच प्रतिस्पर्धा हुनेछ । यस्तै दोस्रो खेलमा दिउँसो ३ बजे सहिद स्मृति र प्रगतिशिल क्लबबीच प्रतिस्पर्धा हुनेछ । समुह ‘डी’ मा सहिद स्मृति र हाँडीखोलाको समान ११–११ अंक छ । यस्तै प्रगतिशिलको ७ अंक छ भने चाइनाक्वाटर अंक विहिन छ ।
