हेटौँडाः चितवन जिल्लाको भरतपुर महानगरपालिकास्थित भरतपुर अस्पतालमा उपचाररत एकजना विरामीको मृत्यु भएको छ । चितवनकै रामपुर घर बताउने अन्दाजी ३३ वर्षीय पुरुष श्वास फेर्न गाह्रो भई उपचारका लागि भरतपुर सरकारी अस्पतालमा उपचाररत थिए ।
शनिबार राती साढे १२ बजेको समयमा उनको मृत्यु भएको बागमती प्रदेश प्रहरी कार्यालय हेटौँडाले जानकारी दिएको छ । मृतकको परिचय नखुलेको र आफन्त पनि पहिचान हुन नसकेको प्रहरीले जनाएको छ ।
