हेटौंडाः तामाङ पत्रकार संघ मकवानपुरको अध्यक्षमा पुनः जयराम मोक्तान चयन हुनुभएको छ । शनिबार सम्पन्न संघको चौंथो अधिवेशनबाट मोक्तान पुनः अध्यक्षमा सर्वसम्मत चयन हुनुभएको हो ।
मोक्तानको अध्यक्षतामा ९ सदस्यीय कार्यसमिति चयन गरिएको छ । समितिको उपाध्यक्षमा सन्देश थिङ, सचिवमा भुवन घलान, सह–सचिवमा रविन्द्र वाईबा र कोषाध्यक्षमा जमुना थिङ चयन हुनुभएको छ । सदस्यहरुमा अञ्जना लामा, विकेक वाईबा, छ्योइसाङ सिंतान र सशान्त तामाङ चयन हुनुभएको छ । बाँकी दुई जना सदस्यहरु कार्यसमितिको बैठकमा मनोनित गर्ने अध्यक्ष मोक्तानले बताउनुभयो । नयाँ कार्यसमितिको कार्यकाल ३ वर्षको रहनेछ ।
अध्यक्ष मोक्तानको सभाध्यक्ष तथा जिल्ला समन्वय समिति मकवानपुरका प्रमुख ललित घलानको प्रमुख आतिथ्यतामा भएको कार्यक्रममा तामाङ पत्रकार संघ मकवानपुरका संस्थापक अध्यक्ष एवम् केन्द्रीय सदस्य आदर्श सिं थोकर, प्रदेश सभा उपाध्यक्ष ज्ञानेन्द्र तामाङ, तामाङ घेदुङ संघ मकवानपुरका अध्यक्ष कालु घलान, उपाध्यक्ष माया लामा र सल्लाहकार सानु लामा दोङ लगायतको आतिथ्यता रहेको थियो ।
