हेटौंडाः मकवानपुरको बकैया गाउँपालिका वडा नम्बर ५ स्थित भडौरामा बुधबारदेखि ९ ए साइड फुटबल प्रतियोगिता सुरु हुँदैछ । सिमातमाई डाँफे युवा क्लबको आयोजनामा बुधबारदेखि प्रतियोगिता सुरु हुन लागेको हो ।
प्रतियोगिताअन्तर्गत बुधबारको उद्घाटन खेलमा आयोजक ए र हात्तीखोला एफसीबीच प्रतिस्पर्धा हुनेछ । दुई टिमबीचको खेल दिउँसो ३ बजे सुरु हुनेछ । भदौ ८ गतेसम्म सञ्चालन हुने प्रतियोगितामा २८ टिम सहभागी छन् । नकआउट चरणमा हुने प्रतियोगिताको विजेता टिमले ३० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले १५ हजार रुपैयाँ प्राप्त गर्नेछन् ।
