हेटौंडाः हेटौंडा–१०, राप्तीरोडस्थित सुख समृद्धि बचत तथा ऋण सहकारी संस्था लिमिटेडको आयोजनामा बिहिबार भएको रक्तदान कार्यक्रममा २० जनाले रक्तदान गरेका छन् । हेटौंडा–१ स्थित रक्तसञ्चार केन्द्र हेटौंडामै पुगेर रक्तदान कार्यक्रमको आयोजना गरिएको हो ।
सहकारीकी अध्यक्ष सुशीला पाण्डे मानन्धरको अध्यक्षता तथा मकवानपुर जिल्ला बचत तथा ऋण सहकारी संघ लिमिटेडकी अध्यक्ष कल्पना श्रेष्ठको प्रमुख आतिथ्यतामा रक्तदान कार्यक्रमको उद्घाटन भएको थियो ।
