हेटौँडाः स्वतन्त्र विद्यार्थी युनियन (स्ववियु) हेटौँडा क्याम्पस समितिको आयोजनामा एक साताको फोटोग्राफीसम्बन्धी तालिम तथा कार्यशाला आइतबार सम्पन्न भएको छ । हेटौँडाका विभिन्न क्याम्पसमा अध्ययनरत ८० जना विद्यार्थी तालिम तथा कार्यशालामा सहभागी भएका थिए ।
स्ववियु अध्यक्ष अभि मैनालीको अध्यक्षता तथा बागमती प्रदेश सभामा नेकपा एमाले संसदीय दलका नेता जगन्नाथ थपलियाको प्रमुख आतिथ्यमा तालिम तथा कार्यशालामा सहभागीलाई प्रमाणपत्र वितरण गरिएको छ । क्याम्पस तहमा अध्ययनरत विद्यार्थीका लागि सीप विकास तथा स्वरोजगारको अवसर रहने अपेक्षासहित तालिमको आयोजना गरिएको स्ववियु अध्यक्ष अभि मैनालीले जानकारी दिनुभएको छ ।
