हेटौँडाः हेटौँडा–भीमफेदी–काठमाडौं छोटो मार्गअन्तर्गत मकवानपुरको सिस्नेरीमा सुमो पल्टिँदा १० जना घाइते भएका छन् । इन्द्रसरोवर गाउँपालिका–३, सिस्नेरीमा अनियन्त्रित भई सुमो पल्टिएको जिल्ला प्रहरी कार्यालय मकवानपुरले जनाएको छ ।
शनिबार बिहान ७ बजेर २० मिनेटको समयमा काठमाडौंबाट वीरगन्जतर्फ जाँदै गरेको मधेश प्रदेश ०३–००१ ज ०३६२ नम्बरको सुमो आफै अनियन्त्रित भई सडकको नाला साईडमा पल्टिएको प्रहरीले जनाएको छ । सुमो पल्टिँदा सुमोमा सवार चालकसहित १० जना घाइते भएका छन् । घाइते मध्ये ३ जना गम्भीर र ७ जनाको अवस्था मध्यम रहेको छ । उनीहरुलाई उपचारका लागि काठमाडौंतर्फ पठाइएको छ ।
