हेटौंडाः पूर्वशिक्षक बद्रिप्रसाद खतिवडाले हेटौंडा सामुदायिक आँखा अस्पताललाई ३ सय ३९ वटा चश्मा हस्तान्तरण गर्नुभएको छ । खतिवडाले मंगलबार अस्पतालका संरक्षक सिद्धिलाल श्रेष्ठ र व्यवस्थापक सुधिर श्रेष्ठलाई चश्मा हस्तान्तरण गर्नु भएको हो ।
हिजो सोमबार खतिवडाले आँखा अस्पतालमा मोतिविन्दुको शल्यक्रिया गर्नु भएको थियो । खतिवडाले नजिकको हेर्न सहज हुने चश्मा हस्तान्तरण गर्नुभएको अस्पतालका व्यवस्थापक श्रेष्ठले बताउनुभयो । अस्पतालले हस्तान्तरण भएका चश्माहरु निःशुल्क उपचार गर्ने बिमारीलाई वितरण गर्ने श्रेष्ठको भनाई छ । यसअघि सामुदायिक आँखा अस्पतालमा बागमती प्रदेशसभा सदस्य मुनु सिग्देलले ४ सय ५० वटा चश्मा हस्तान्तरण गर्नु भएको थियो । खतिवडाले २०३०/०३५ साल तिर भुटनदेवि माविमा अध्यापन गराउनु हुन्थ्यो ।
