हेटौँडाः मकवानपुरको बागमती गाउँपालिका–५, बगेरीस्थित बागमती खोलाको किनारमा बेवारिसे शव बरामद भएको छ । बुधबार बिहान ७ बजेर ४० मिनेटको समयमा स्थानीयले शव देखेपछि प्रहरीलाई खबर गरेका थिए । अन्दाजी २५ वर्षीय पुरुषको शवको सनाखत हुन नसकेको बागमती प्रदेश प्रहरी कार्यालय हेटौँडाले जनाएको छ । ईलाका प्रहरी कार्यालय फापरबारीबाट खटिएको प्रहरी टोलीले शवको मुचुल्का पश्चात पोष्टमार्टमका लागि हेटौँडा अस्पताल पठाएको प्रहरीले जनाएको छ ।
यस्तै मकवानपुरको मनहरी गाउँपालिका–८ का मदन दमाईको मृत्यु भएको छ । मनहरी–८, ज्यामिरेका ५३ बर्षीय मदन दमाई मंगलबार बेलुकी श्रीमतिलाई झाँझीकोमा पुर्याएर फर्कने क्रममा अटोमै बेहोस भएका थिए । मनहरी–७ निर्मलबस्तिस्थित राजकुमार कामीको घरमा श्रीमती बिरामी भई झारफुक गराएर ना २ ह ३१३ नम्बरको अटोमा घर फर्कने क्रममा बेहोस भएका मदनलाई उपचारका लागि मनहरी अस्पताल लगिएको थियो । मदनको उपचारको क्रममा मृत्यु बागमती प्रदेश प्रहरी कार्यालय हेटौँडाले जानकारी दिएको छ ।
