हेटौँडाः हेटौँडा–सिन्धुली सडकअन्तर्गत हेटौँडा–६, हात्तिलेटमा एम्बुलेन्सको ठक्करबाट मोटरसाइकलमा सवार २ जना घाइते भएका छन् । मंगलबार साँझ ७ बजेको समयमा हेटौँडा बजारबाट हटियातर्फ जाँदै गरेको ना ३ च ८२८९ नम्बरको एम्बुलेन्सले बिपरित दिशाबाट आउँदै गरेको ना ४२ प ५७०९ नम्बरको मोटरसाइकललाई ठक्कर दिएको प्रहरीले जनाएको छ ।
एम्बुलेन्सको ठक्करबाट मोटरसाइकल चालक हेटौँडा–१७, हटियाका ३६ बर्षीय सुनिल दर्नाल र हेटौँडा–५, पिप्लेका ४५ बर्षीय भाष्कर पौडेल घाइते भएका छन् । दर्नालको टाउको, दाहिने हातमा चोट लागेको र अवस्था मध्यम रहेको प्रहरीले जनाएको छ भने पौडेलको दाहिने हात, टाउकोमा चोट लागेर गम्भीर अवस्थामा रहेको प्रहरले जनाएको छ । घाइते दुबैजनाको हेटौँडा–१ स्थित मकवानपुर सहकारी अस्पताल पठाइएको प्रहरीले जानकारी दिएको छ ।
