हेटौँडाः हेटौँडा–१० स्थित तुलसीमेहर मेमोरियल स्कूलले एसईईमा उत्तीर्ण विद्यार्थी र तिनका अभिभावकलाई सम्मान गरेको छ । ८७ प्रतिशत नतिजा निकाल्न सफल विद्यालयले मंगलबार एसईई उत्तीर्ण हुने ४३ जना विद्यार्थीलाई सम्मान गरेको हो ।
तुलसीमेहरबाट एसईईमा सहभागी ४९ जना विद्यार्थी मध्ये ४३ जना कक्षा ११ मा भर्ना हुन योग्य भएका छन् । विद्यालय व्यवस्थापन समितिका अध्यक्ष आशिष श्रेष्ठको सभाध्यक्षता तथा वडाध्यक्ष फुर्वा दोर्जे लामाको प्रमुख आतिथ्यमा कार्यक्रम भएको हो । कार्यक्रममा विद्यालयले विद्यार्थी, अभिभावक तथा शिक्षकलाई प्रमाणपत्रसहित सम्मान गरेको हो । विद्यालयले ८ जना शिक्षकलाई पनि सम्मान गरेको छ । तुलसीमेहर मेमोरियल स्कूलमा १ हजार १ सय ५० जना विद्यार्थी अध्ययनरत छन् ।
