हेटौँडाः बागमती प्रदेशका स्वास्थ्य मन्त्री रामेश्वर श्रेष्ठले प्रदेश स्वास्थ्य नीति निर्माण गरी कार्यान्वयनको चरणमा रहेको बताउनु भएको छ । उक्त नीति कार्यान्पयन पछि प्रदेशको स्वास्थ्य सेवामा उत्कृष्ट गुणस्तरिता वृद्धि हुने उहाँको भनाई छ ।
प्रदेश सरकारको आगामी आर्थिक वर्षको बजेट माथिको उठेको प्रश्नको जवाफ दिँदै मन्त्री श्रेष्ठले प्रभावकारी स्वास्थ्य सेवा प्रपवाहका लागि तीन तहको सरकार संग समन्वयको काम भइहरको बताउनुभयो । उहाँका अनुुसार प्रदेश सरकारले आयुवेदीक औषधालयबाट गुणस्तरिय औषधी उत्पादनको तयारी अन्तिम चरणमा रहेको छ ।
‘मौलिक अधिकारको रुपमा रहेको स्वास्थ्य सेवालाई प्रादेशिक अस्पतालहरुमा प्रदान गरिएको छ । स्थानीय तहबाट प्रादन हुने आधारभुत स्वास्थ्य सेवमा प्रदानका लागि प्रदेश सरकारले औजार उपकरण, औषधी तथा जनशक्तिको माध्यबाट सहयोग उपलब्ध गराइएको छ ।’ उनले भने, ‘औषधीको नियमन गर्ने विषयमा स्वास्थ्य मन्त्रालयले आफ्नो क्षेत्रमा संरचना निर्माण गरी अनुगमन गर्ने व्यवस्था ऐनमा नै समावेश गरेर अघि बढाइएको छ । सो संरचना निर्माण पश्चात सेवालाई प्रभावकारी बनाउने काम भइरहेको छ ।’
मन्त्री श्रेष्ठका अनुसार स्तन र पाठेघरको क्यान्सरको नियन्त्रणका लागि भ्याक्सिन सेवाहरु संचालन, स्कृनिङ्ग तथा उपचारात्मक सेवा प्रदान गर्ने सरकारको तयारी रहेको छ । हेटौंडा अस्पतालमा मानव अंग प्रत्यारोपणको तयारी अन्तिम चरणरमा रहेको उहाँको भनाई छ । प्रादेशिक अस्पतालमा एन आइसियू सेृवा, सुत्केरी तथा गर्भवतीका लागि निःशुल्क हवाई उद्धारको कार्यक्रम संचालनमा ल्याएको उहाँले बताउनुभयो ।
