हेटौँडाः मकवानपुरको राक्सिराङ गाउँपालिका–५, ठुलो खोल्साबाट प्रहरीले लागुऔषध गाँजासहित ३ जनालाई पक्राउ गरेको छ । पक्राउ पर्नेमा राक्सिराङ गाउँपालिका–८ का २१ बर्षीय अशोकलाल मोक्तान, ३१ बर्षीय दीपक मोक्तान र ३५ बर्षीय बुद्धिलाल मोक्तान रहेको बागमती प्रदेश प्रहरी कार्यालय हेटौँडाले जानकारी दिएको छ ।
शुक्रबार राती ८ बजेको समयमा प्रहरी निरक्षकसहितको गस्ती टोलिले पैदल हिडिरहेका उनिहरुलाई शंका लागि सुरक्षा जाँच गर्दा उनिहरुले बोकेको झोलाबाट लागुऔषध गाँजा बरामद गरेको थियो । प्रहरिले झोलाबाट ८ किलो ५ सय ग्राम गाँजा बरामद गरेको थियो । लागुऔषध गाँजासहित ३ नै जनालाई नियन्त्रणमा लिई अनुसन्धानका लागि जिल्ला प्रहरी कार्यालय मकवानपुर ल्याइएको छ ।
