हेटौँडाः हेटौँडा–८ स्थित सांगीतिक समूह अस्तित्व व्याण्डले शनिबार रक्तदान कार्यक्रमको आयोजना गरेको छ । हेटौँडा–८, कमानेस्थित निमचोकमा भएको कार्यक्रममा ५८ जनाले रक्तदान गरेका छन् ।
अस्तित्व व्याण्डका अध्यक्ष निर्जल पुडासैनीको अध्यक्षता तथा संघीय संसदको भौतिक पूर्वाधार विकास समितिका सभापति दीपक बहादुर सिंहको प्रमुख आतिथ्यमा रक्तदान कार्यक्रम भएको हो । कार्यक्रममा बागमती प्रदेश सभा सदस्य डम्बर तामाङ, वडा अध्यक्ष रामकृष्ण थापाको पनि आतिथ्य रहेको थियो । रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो ।
