हेटौँडाः पूर्व–पश्चिम राजमार्ग अन्तर्गत हेटौँडा–१५, रातोमाटेस्थित चेक पोष्टबाट मकवानपुर प्रहरीले लागुऔषध गाँजासहित एक जनालाई पक्राउ गरेको छ । पक्राउ पर्नेमा मनहरी गाउँपालिका–२, का ३० वर्षीय दिनेश गोङ्बा रहेको बागमती प्रदेश प्रहरी कार्यालय हेटौँडाले जानकारी दिएको छ ।
सोमबार बिहान १ बजेर ३० मिनेटको समयमा हेटौँडाबाट पथलैयातर्फ जाँदै गरेको बा ३२ प २५९८ नम्बरको मोटरसाइकललाई सुरक्षाजाँच गर्दा उनको साथबाट लागुऔषध गाँजा फेला परेपछि बरामद गरेको छ । प्रहरीले गोङ्बाको साथबाट १२ किलो गाँजा बरामद गरेको हो । उक्त गाँजासहित गोङ्बालाई नियन्त्रणमा लिएर थप अनुसन्धानको लागि जिल्ला प्रहरी कार्यालय हेटौँडा राखिएको प्रहरीले जानकारी दिएको छ ।
