हेटौंडाः मकवानपुरको बागमती गाउँपालिकास्थित फापरबारीमा रक्तदान कार्यक्रम भएको छ । रक्तदान कार्यक्रममा ५१ जनाले रक्तदान गरेका छन् । नेपाल रेडक्रस सोसाइटी, फापरबारी उपशाखाको आयोजनामा भएको रक्तदान कार्यक्रममा ६ जना महिला र ४५ जना पुरुषले रक्तदान गरेको रक्तसञ्चार केन्द्र हेटौंडाका प्राविधिक किशोर सापकोटाले जानकारी दिनुभयो ।
गणतन्त्र दिवसको अवसर पारेर मंगलबार रक्तदान कार्यक्रमको आयोजना गरिएको हो । गाउँपालिकाका अध्यक्ष सर्केश घलानले रक्तदान गर्नु भएपछि कार्यक्रम सुरु भएको सापकोटाले बताउनुभयो । कार्यक्रम रक्तसञ्चार केन्द्र हेटौंडाको प्राविधिक सहयोगमा भएको हो ।
