हेटौँडाः संयुक्त मधेसी सेवा समाज मकवानपुरको अध्यक्षमा रवी गुप्ता निर्वाचित हुनुभएको छ । शनिबार हेटौँडामा भएको आठौं साधारणसभा तथा तेस्रो अधिवेशनबाट गुप्ताको नेतृत्वमा सर्वसम्मत नयाँ समिति चयन भएको हो ।
समाजको उपाध्यक्षमा अशोक गुप्ता, सचिबमा नन्दलाल दास, कोषाध्यक्षमा राजदेव बनियाँ, सह–सचिब पदमा कृष्ण कंशाकार, सहकोषाध्यक्ष रञ्जित केशरी चयन हुनुभएको छ । यस्तै सदस्यमा किशन गुप्ता रौनियार, शम्भु गुप्ता रौनियार, लक्ष्मण बनियाँ, अर्जुन केशरी, मनोज साह चयन हुनुभएको छ । निवर्तमान अध्यक्ष सुनिल प्रसाद सेनुरियाको अध्यक्षता तथा हेटौँडा उपमहानगरपालिकाका उपप्रमुख राजेश बानियाँको प्रमुख आतिथ्यमा साधारणसभा तथा अधिवेशनको उद्घाटन कार्यक्रम भएको थियो ।
संयुक्त मधेशी सेवा समाजले वार्षिकरुपमा छठ पुजा समारोह, वातावरण दिवस, रक्तदान कार्यक्रम, अनाथ बालबालिका लक्षित सहयोग, वृद्धाश्रमलाई सहयोगका कार्यक्रम गर्दै आएको छ ।
