हेटौँडाः काभ्रेपलाञ्चोक जिल्लाको धुलिखेल नगरपालिका–११, कल्छेबेसीमा एक जना पुरुष मृत फेला परेका छन् । मृत फेला पर्नेमा ५८ वर्षीय बलराम गौतम रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार बिहान ११ बजेको समयमा गौतम घरमा कसैलाई जानकारी नगराई हिडेकोमा आफ्न्तहरुले खोजतालास गर्दै जाँदा शुक्रबार खेतमा मृत अवस्थामा फेला परेका थिए । मुचुल्का पश्चात शव पोष्टमार्टमको लागि धुलिखेल असपताल लगिएको प्रहरीले जानकारी दिएको छ ।
