हेटौँडाः हेटौँडा–४, कर्रास्थित श्रमिक माध्यमिक विद्यालयका प्रधानाध्यापक श्रीराम दाहालले जन्मदिनको अवसरमा आइतबार विद्यालयको अक्षयकोषमा १० हजार रुपैयाँ हस्तान्तरण गर्नुभएको छ । प्रधानाध्यापक दाहालले सहायक प्रधानाध्यापक गोपीरमण प्याकुरेललाई सहयोग रकमको चेक हस्तान्तरण गर्नुभएको छ ।
नगदसँगै प्रधानाध्यापक दाहालले विद्यालयलाई बिरुवासहितको गमला समेत हस्तान्तरण गर्नुभएको छ । विद्यालयले स्थापना गरेको अक्षयकोषमा यसअघि अन्य शिक्षकहरु, विद्यालय व्यवस्थापन समितिका पदाधिकारी, पूर्वविद्यार्थीले पनि सहयोग गर्दै आएका छन् । विद्यालयको अक्षयकोषमा एक लाख २५ हजार रुपैयाँ संकलन भइसकेको छ । विद्यालयले स्थापना गरेको अक्षयकोषमा वडाले पनि सहयोग गर्ने प्रतिवद्धता जनाएको छ ।
