हेटौंडाः बागमती गाउँपालिका–७, पाथीभारास्थित चौरा आधारभूत विद्यालयमा नयाँ व्यवस्थापन समितिको निर्वाचन भएको छ । विद्यालयको नयाँ व्यवस्थापन समिति चयनका लागि मंगलबार भएको निर्वाचनमा ४ सदस्य निर्वाचित भएको हो ।
निर्वाचनबाट ९८ मत ल्याएर रामकृष्ण श्रेष्ठ, ९७ मतसहित कृष्णबहादुर श्रेष्ठ, एक सय मत ल्याएर विनिता गोले र ९७ मत ल्याएर टुल्कीमाया राई निर्वाचित भएको निर्वाचन अधिकृत झम्कनारायण घलानले बताउनुभयो । यस्तै, विवेक सिन्तान, मेनुकाकुमारी राना, मोहनबहादुर थोकर र गंगाकुमारी थोकर पराजित हुनुभएको छ ।
निर्वाचनमा १ सय ८८ मत खसेकोमा ४ मत बदर भएको छ । निर्वाचित ४ जनामध्येबाट एक जना अध्यक्षमा चयन हुनेछन् । उत्तरबहादुर भोलन संयोजक रहेको निर्वाचन समितिमा पर्यवेक्षकको रुपमा अरुण बल र शंकर पराजुली रहनुभएको थियो ।
