हेटौँडाः मकवानपुरगढी गाउँपालिका–३ मक्रान्चुलीमा रहेको जागरण बचत तथा ऋण सहकारीले २५ औं स्थापना दिवस (रजत महोत्सव) को अवसरमा आयोजना गरेको कार्यक्रममा २२ जना सेयर सदस्यले रक्तदान गरेका छन् । शुक्रबार बिहान सहकारीको सभा हलमा भएको कार्यक्रममा १० जना महिला र १२ जना पुरुषले रक्तदान गरेको रक्तसंचार केन्द्रका प्राविधिक विष्णु रिमालले जानकारी दिनुभयो ।
रक्तदान कार्यक्रम रक्तसंचार केन्द्रको प्राविधिक सहयोगमा भएको थियो । यस्तै शनिबार निल गिरी बाल समुह हेटौँडा–८ कमाने, चैत १६ गते पुर्वी नगर इसाई समन्वय समिती हेटौँडा–१८ रामधुनी चोक र चैत २२ गते जनचेतना बचत तथा ऋण सहकारी सस्था हेटौँडा–१५, रातोमाटेमा रक्तदान हुँदैछ ।
