हेटौंडाः मकवानपुरको भीमफेदी गाउँपालिका–१, खोप्लाङस्थित भैंसे–हेटौंडा सडकखण्डमा टिपर दुर्घटना हुँदा एक जना घाइते भएका छन् । घाइते हुनेमा ना ८ ख ८९१० नम्बरको टिपर चालक हेटौंडा–१५ स्थित भोेर्लेका ४३ वर्षीय वीर बहादुर वाईबा रहेको जिल्ला प्रहरी कार्यालय मकवानपुरका प्रहरी प्रवक्ता लक्ष्मी भण्डारीले जानकारी दिनुभयो ।
सोमबार बिहान १० को समयमा उक्त सडकखण्डमा रिद्धिसिद्धि सिमेन्ट फ्याक्ट्रीको ढुङगा खानीबाट ढुङगा लिएर आउँदै गरेको टिपर आफै अनियन्त्रित हुँदा वाईबा घाइते भएका हुन् । टिपर रोडबाट २० मिटर तल खस्दा चालक वाईबा च्यापिएको अवस्थामा छ भन्ने खबर प्राप्त हुनासाथ जिल्ला प्रहरी कार्यालय मकवानपुरबाट प्रहरी निरीक्षकको कमाण्डमा ट्राफिक प्रहरीसहित र नेपाली सेनाको मध्य पृतना हेटक्वाटर सुपारेटार ब्यारेकबाट टोली खटिएको जनाएको छ । चालक वाईबाको उद्धार कार्य भइरहेको जनाएको छ ।
