हेटौँडाः लघुकथाकार श्यामप्रसाद श्रेष्ठको कृति “व्यथाभित्रको कथा” को गृहविमोचन कार्यक्रम सम्पन्न भएको छ । एक साताअघि पोखरामा विमोचन गरिएको कृति हेटौँडामा मातृभूमि साहित्य समाज मकवानपुरको आयोजनामा हेटौँडामा गृहविमोचन कार्यक्रम भएको हो ।
मातृभूमि साहित्य समाज मकवानपुरका अध्यक्ष कृष्णप्रसाद दाहालको अध्यक्षता तथा साहित्यकार आरआर चौलागाईको प्रमुख आतिथ्यमा कार्यक्रम भएको हो । श्रेष्ठको कृतिमाथि समीक्षक घनश्याम घिमिरे र साहित्यकार हयग्रीव आचार्यले समीक्षा गर्नुभएको थियो । श्रेष्ठको कृतिमा ५७ वटा लघुकथा समेटिएका छन् । श्रेष्ठका यसअघि दुईवटा नाटक कृति “होसियार” र “अभियान” सँगै अर्को कृति नेपाल आमा प्रकाशित छन् । कार्यक्रममा सर्जक सञ्जाल मकवानपुरका संयोजक निमेष निखिल, साहित्य संगम मकवानपुरका अध्यक्ष डीबी बर्तौला, आँचल साहित्य कला पुञ्जकी अध्यक्ष भावना सापकोटाको पनि आतिथ्य रहेको थियो ।
