हेटौंडाः हेटौंडा उपमहानगरपालिकाको प्रमुख प्रशासकीय अधिकृतमा रामबाबु पुरी आउनुभएको छ । बुधबार पुरीले उपमहानगरपालिकामा पदभार ग्रहण गर्नुभएको हो ।
तत्कालीन प्रमुख प्रशासकीय अधिकृत शिवराज चौलागाईको सरुवा भएसँगै हेटौंडामा पुरी आउनुभएको हो । संघीय सरकारले गत बिहीबार हेटौंडाका चौलागाईसहित ४३ जना सहसचिवको एकसाथ सरुवा गरेको थियो ।
चौलागाई दलित आयोगको सचिवको रुपमा सरुवा भएर जानुभएको हो । संघीय सरकारले संघीय मामिला तथा सामान्य प्रशासन मन्त्रालयअन्तर्गत् लेखा शाखामा रहनुभएका सहसचिव पुरीलाई हेटौंडाको प्रमुख प्रशासकीय अधिकृतको जिम्मेवारी दिएको हो ।
