हेटौँडाः मकवानपुरगढी गाउँपालिका–६, डुम्रेकुनास्थित जाल्पादेवी माध्यमिक विद्यालयमा खेलकुद कार्यक्रम सम्पन्न भएको छ । शुक्रबार विद्यालयले शैक्षिक वर्षको अतिरिक्त क्रियाकलाप अन्तर्गत खेलकुद कार्यक्रमको आयोजना गरेको विद्यालयका प्रधानाध्यापक राजु प्रसाद गौतमले जानकारी दिनुभयो ।
कार्यक्रममा चार सदन बीच भलिबल प्रतियोगिता भएको थियो । प्रतियोगितमा गण्डकी सदन प्रथम, कोशी सदन द्वितीय र मेची सदन तृतीय भएका थिए । प्रथम, द्वितीय र तृतीय टिमलाई मेडल वितरण गरिएको थियो । कार्यक्रममा सहभागी सबै विद्यार्थीलाई विद्यालयले कपी वितरण गरेको थियो । कार्यक्रममा पूर्व प्रधानाध्यापक शिव प्रसाद पाण्डेको अध्यक्षता तथा विद्यालयका प्रधानाध्यापक राजु प्रसाद गौतम प्रमुख आतिथ्य रहेको थियो । कार्यक्रममा शिक्षक भवनाथ गौतम र खेलकुद शिक्षक शान्तिमाया स्याङ्बो लगायतको उपस्थिति रहेको थियो ।
