हेटौंडाः मकवानपुरको इन्द्रसरोवर गाउँपालिकामा बाटोमा लडेर एक जनाको मृत्यु भएको छ । मृत्यु हुनेमा इन्द्रसरोवर–४ स्थित भाङखोलाका ७१ वर्षीय पदम बहादुर गोले रहेको बागमती प्रदेश प्रहरी कार्यालय हेटौंडाले जनाएको छ ।
शुक्रबार दिउँसो १२ बजेर ३० मिनेटको समयमा गोले आफ्नै घरदेखि एक सय मिटर पश्चिम मा रहेको गोरेटो बाटोमा मृत अवस्थामा फेला परेको हो । गोले मृत अवस्थामा छ भन्ने खबर प्राप्त हुनसाथ प्रहरी टोली खटेर मुचुल्का पश्चात शवलाई पोष्टमार्टमका लागि काठमाडौंस्थित टिचिङ अस्पतालमा लगिएको जनाएको छ ।
