हेटौंडाः हेटौंडा–११ स्थित आनन्दभैरब आधारभूत विद्यालयको ३६ औ वार्षिक उत्सव सम्पन्न भएको छ । मंगलबार एक कार्यक्रमबीच वार्षिक उत्सव सम्पन्न भएको हो ।
विद्यालयको संस्थापक अध्यक्ष शम्शेर बानियाँको प्रमुख आतिथ्यमा वार्षिकोत्सव कार्यक्रम उद्घाटन भएको थियो । कार्यक्रममा विद्यालयका प्रधानाध्यापक कृष्णप्रसाद खनालले विद्यालयको आर्थिक प्रतिवेदन प्रस्तुत गर्नुभएको थियो । कक्षागत परीक्षामा प्रथम, द्वितीय र तृतीय हुने विद्यार्थी तथा अतिरिक्त क्रियाकलापमा अब्बल हुने विद्यार्थीहरुलाई पुरस्कृत गरिएको विद्यालयका प्रधानाध्यापक खनालले जानकारी दिनुभएको छ ।
वार्षिक उत्सव कायक्रममा सहभागी हुने अविभावकहरुले मन्तव्य व्यक्त गरेका थिए । कार्यक्रममा हेटौंडा–११ का वडा अध्यक्ष जुना दहाल र हेटौंडा उपमहानगरपालिका शिक्षा विकास महाशाखाका अधिकृत रमेश बिडारीको विशिष्ट आतिथ्य रहेको थियो ।
