हेटौंडाः नेपाल इंग्लिस ल्याङ्वेज टिचर्स एसोसिएसन (नेल्टा) मकवानपुर जिल्ला अध्यक्षमा हेटौंडा–२ स्थित मकवानपुर बहुमुखी क्याम्पसका शिक्षक उत्तम अर्याल चयन हुनुभएको छ । शनिबार हेटौंडा–४ स्थित हेटौंडा क्याम्पसको सभाहलमा भएको १२ औं अधिवेशनले अर्यालको अध्यक्षतामा सर्वसम्मत १५ सदस्यीय नयाँ कार्यसमिति चयन गरेको हो ।
नेल्टाको उपाध्यक्षमा सञ्जयकुमार बस्नेत, सचिवमा सुरेश रेग्मी, सहसचिवमा रोशनी पौडेल र कोषाध्यक्षमा भानुभक्त पाठक चयन भएका छन् । यस्तै, सदस्यहरुमा सरस्वती अधिकारी, छविलाल विक, दीपक अधिकारी, कृष्णप्रसाद पौडेल, रामप्रसाद सापकोटा, पुण्यशिला श्रेष्ठ, यादवराज बराल, मालती पोखरेल, योजना अधिकारी र सविना गिरी चयन भएका हुन् ।
नेल्टा मकवानपुर जिल्ला अध्यक्ष संगम चौलागाईंको सभाध्यक्षता तथा जिल्ला समन्वय समिति मकवानपुरका प्रमुख ललित घलानको प्रमुख आतिथ्यमा अधिवेशन उद्घाटन भएको हो । उद्घाटन कार्यक्रममा शिक्षा विकास तथा समन्वय इकाई मकवानपुर प्रमुख दीनानाथ गौतम, नेल्टाका केन्द्रीय सदस्य गणेश हुमागाईं, नेपाल शिक्षक महासंघ मकवानपुर अध्यक्ष जिधराज ढकाल, नेल्टा बागमती प्रदेश अध्यक्ष, जिल्ला वरिष्ठ उपाध्यक्ष किशोर पराजुलीलगायतको उपस्थिति रहेको थियो । नवनिर्वाचित पदाधिकारीहरुको कार्यकाल ३ वर्षको हुनेछ ।
