मकवानपुरगढीः मकवानपुरगढी गाउँपालिकामा चौथो संस्करणको अन्तर गाउँपालिकास्तरीय शहीद रुद्र पाखिन÷बासुदेव घिमिरे स्मृति फुटसल प्रतियोगितामा हेटौँडा उपमहानगरपालिका ए र खेलकुद विकास समिति मकवानपुरगढीबीच उपाधि भिडन्त हुने भएको छ ।
सोमबार बिहान सम्पन्न सेमीफाइनल खेलमा खेलकुद विकास समिति मकवानपुरगढीले हेटौंडा उपमहानगरपालिका “बी” नारायणी कलेजलाई ४–३ गोलअन्तरले पराजित गर्दै फाइनल प्रवेश गरेको हो । यसअघि पहिलो सेमीफाइनल खेलमा हेटौंडा उपमहानगरपालिका “ए” ले हेटौंडा फुटबल एकेडेमीलाई ८–४ गोलअन्तरले पराजित गर्दै फाइनल प्रवेशका गरेको थियो ।
फाइनल खेलमा खेलकुद विकास समिति मकवानपुरगढी र हेटौंडा उपमहानगर पालिका “ए” बीच सोमबार दिउँसो हुनेछ । प्रतियोगितामा उत्कृष्ट खेलाडी, गोलकिपर, डिफेन्डर र गोलकर्तालाई पनि पुरस्कारको व्यवस्था गरिएको छ । प्रतियोगिताको उपाधि विजेताले १ लाख २५ हजार रुपैयाँ र उपविजेताले ७५ हजार रुपैयाँसहित सिल्ड, मेडल र प्रमाणपत्र प्राप्त गर्नेछन् ।
