हेटौंडाः सिन्धुपाल्चोक जिल्लाको सुनकोशी गाउँपालिका–५ भोटेयमुनामा एक महिला मृत फेला परेकी छिन् । मृत फेला पर्नेमा ५० वर्षीया बसुम डोल्मा लामा रहेको बागमती प्रदेश प्रहरी कार्यालय हेटौंडाले जानकारी दिएको छ ।
लामा बिहीबार बिहान ७ बजेदेखि हराएकोमा सोमबार बिहान १० बजेर ३० मिनेटको समयमा घरदेखि १ किलोमिटर पर बारीमा मृत फेला परेकी थिइन् । लामाको शव जङ्गली जनावरले खाएको जस्तो देखिएको प्रहरीले जनाएको छ । मुचुल्का पश्चात शव पोष्टमार्टमका लागि जिल्ला अस्पताल लगिएको छ ।
