हेटौंडाः गजल मञ्च मकवानपुरको आयोजनमा २०९ औं गजलयात्रा सम्पन्न भएको छ । शनिबार साहित्य संगम मकवानपुरको सभाहलमा गजलयात्रा सम्पन्न भएको हो ।
हरेक महिनाको पहिलो शनिबार हुने कार्यक्रममा सानु खनाल, ऋषि केबी, पुरूषोत्तम आचार्य, बैकुण्ठ लामिछाने, माधव पोख्रेल, अनिल कोइराला, डीबी बर्तौला, सुबास सजल, देवराज तिवारी र मिथिला अधिकारीले गजल वाचन गर्नुभएको थियो ।
गजल मञ्च मकवानपुरका अध्यक्ष केशव समर्पणको सभाध्यक्ष तथा तुल्सी घिमिरेको प्रमुख आतिथ्यमा कार्यक्रम सम्पन्न भएको हो । कार्यक्रममा सर्जक सञ्जाल मकवानपुरका संयोजक निमेष निखिल र गजल मञ्च मकवानपुरका सचिव हरि पौडेलको पनि उपस्थिति रहेको थियो ।
