हेटौँडाः मोटरसाइकल दुर्घटनामा परी बारा जिल्लामा २ जनाको मृत्यु भएको छ । शुक्रबार राती १२ बजेर १० मिनेटको समयमा बारा जिल्लाको प्रसौनी गाउँपालिका–२ स्थित दुधौरा खोलापुलको पिल्लरमा मोटरसाइकल ठोक्किएर दुर्घटना भएको थियो ।
बारा जिल्लाको कलैयाबाट बीरगन्जतर्फ जाँदै गरेको म प्र ०३–०३० प ४३९८ नम्बरको मोटरसाइकल आफैँ अनियन्त्रित भई दुर्घटना हुँदा कलैया उपमहानगरपालिका–१३, बलिरामपुरका २२ वर्षीय कुन्दन मेहता खत्री र कलैया–१२, सितलपुरका २२ वर्षीय अभिमनु कुशवाहाको मृत्यु भएको जिल्ला प्रहरी कार्यालय बाराले जानकारी दिएको छ । दुर्घटनामा गम्भीर घाइते भएका दुवैजनाको उपचारको क्रममा मृत्यु भएको हो ।
