हेटौँडाः लागुऔषध गाँजासहित मकवानपुरको मनहरी गाउँपालिकाका सुवास मोक्तान र कैलाश गाउँपालिकाका देवराज स्याङ्तान बारा जिल्लाको पथलैयाबाट पक्राउ परेका छन् । बुधबार बिहान १ बजेर ४५ मिनेटको समयमा हेटौँडाबाट पथलैयातर्फ जाँदै गरेका सुवास र देवराजको साथबाट बारा प्रहरीले ९ केजी लागुऔषध गाँजासहित पक्राउ गरेको जनाएको छ ।
२१ वर्षीय सुवास र ३० वर्षीय देवराज सवार बा प्र ०२–०२९ प १६०९ नम्बरको मोटरसाइकल रोकी सुरक्षाजाँच गर्दा उनीहरुको साथबाट गाँजा बरामद भएको प्रहरीले जनाएको छ । उनीहरुलाई प्रहरीले नियन्त्रणमा लिई आवश्यक अनुसन्धान गरिरहेको बारा प्रहरीले जानकारी दिएको छ ।
