हेटौंडाः बुधबार साँझ पूर्वपश्चिम राजमार्ग अन्तर्गत हेटौंडाको राप्तीरोडमा स्कुटी र ट्रिपर दुर्घटना हुँदा नेपाल प्रहरीका हवलदारको मृत्यु भएको छ । बुधबार साँझ साढे ८ बजेको समयमा भएको दुर्घटनामा प्रहरी हवल्दार केशर दोर्जे थिङको मृत्यु भएको हो । दुर्घटनामा परी गम्भीर घाइते भएका थिङको उपचारको क्रममा हेटौंडा अस्पतालमा मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिनुभयो । थिङ अख्तियार दुरुपयोग अनुसन्धान आयोगको कार्यलय हेटौंडामा कार्यरत थिए ।
प्रदेश ३–०२–१२ प १३३८ नम्बरको स्कुटरमा हेटौंडा बजार तर्फ आइरहेका थिङलाई हेटौंडाबाट पश्चिमतर्फ जाँदै गरेको ना ८ ख ७५५८ नम्बरको ट्रिपरले ठक्कर दिएको प्रहरीले जनाएको छ । ठक्कर दिने ट्रिपर चालकसहित प्रहरीको नियन्त्रणमा छ ।
