हेटौंडाः प्रख्यात दार्शनिक तथा योग गुरु डा. योगी विकासानन्दको उपस्थितिमा आज शनिबार हेटौंडामा कार्यक्रम हुने भएको छ । विकासानन्द फाउण्डेसन विश्व परिवार हेटौंडा शाखाको आयोजनामा योग, ध्यान, साधना तथा हिप्नोशिस कार्यक्रम हुने भएको हो ।
हेटौंडा–४ स्थित रोयल प्यालेसमा बिहान १० बजेदेखि बेलुका ५ बजेसम्म कार्यक्रम सञ्चालन हुने आयोजकले जानकारी दिएकोे छ । कार्यक्रममा ध्यान गर्ने तरिका, स्वस्थ जीवन जिउने तरिका, सकारात्मक सोचाई र आफ्नो शक्तिलाई पहिचान गर्ने तरिकाबारे योग गुरु डा. विकासानन्दले सिकाउनु हुने बताइएको छ ।
कार्यक्रममा सहभागी हुन आयोजकले टिकटको व्यवस्था गरेको र एक हजार वटा टिकट बिक्री भइसकेको आयोजकले जनाएको छ । पछिल्लो समय सर्वसाधारणमा मानसिक समस्या बढ्ने र विभिन्न समस्याहरु उत्पन्न हुने कुरालाई मध्यनजर गर्दै योग गुरु विकासानन्दले कार्यक्रम गर्न लाग्नुभएको हो ।
