हेटौंडाः शिखर ईन्स्योरेन्स कम्पनी लिमिटेडले आयोजना गरेको रक्तदान कार्यक्रममा ४९ जनाले रक्तदान गरेका छन् । बुधबार भएको रक्तदान कार्यक्रममा ८ महिला र ४१ पुरुषले रक्तदान गरेका रक्तसञ्चार केन्द्र हेटौंडाका प्राविधिक किशोर सापकोटाले जानकारी दिनुभयो ।
शिखर ईन्स्योरेन्स कम्पनी लिमिटेडको १९औं वार्षिक उत्सवको अवसरमा रक्तदान कार्यक्रम भएको थियो । बैंकरोडमा रहेको हेटौंडा शाखा कार्यालयमा भएको रक्तदान कार्यक्रममा रक्तसञ्चार केन्द्रको प्राविधिक सहयोग रहेको थियो ।
