हेटौंडाः हेटौंडा–१५, शिखरपानी दमारटोलबाट मकवानपुर प्रहरीले लागुऔषधसहित २ जनालाई पक्राउ गरेको छ । पक्राउ पर्नेमा हेटौंडा–१५ का २५ वर्षीय राजकुमार मोक्तान र हेटौंडा–१६ का १९ वर्षीय रञ्जन बोम्जन रहेको बागमती प्रदेश प्रहरी कार्यालय हेटौंडाले जानकारी दिएको छ ।
बुधबार साँझ ६ बजेर ३० मिनेटको समयमा भित्री सडकमा लागुऔषध बेचबिखन भइरहेको छ भन्ने विशेष सूचना प्रहरी निरीक्षक दिनेश बहादुर कुँवरको टोलीले सुरक्षाजाँच गर्दा उनीहरुको साथबाट लागूऔषध बरामद भएको हो । प्रहरीले उनीहरुको साथबाट लागुऔषध गाँजा ३ सय ७० ग्राम, ट्रमाडोल ९७ र एनार्गन ४२ ट्याब्लेट गरी १३९ ट्याब्लेट बरामद गरेको जनाएको छ । लागूऔषधसहित दुबै जनालाई नियन्त्रणमा लिई अनुसन्धानका लागि जिल्ला प्रहरी कार्यालय पठाइएको छ ।
