हेटौंडाः मकवानपुर प्रहरीले पूर्व–पश्चिम राजमार्ग अन्तर्गत हेटौँडा–१५, रातोमाटे चेकपोष्टबाट ८ लाख बराबरको अवैध कपडा बरामद गरेको छ ।
प्रदेश प्रहरी कार्यालय हेटौँडाले दिएको जानकारीअनुसार शुक्रबार बिहान ९ बजेको समयमा वीरगंजबाट हेटौंडा आउदै गरेको प्रदेश २–०३–००१ च ६२९५ नम्बरको सानो डिब्बा गाडी चेक गर्दा गाडीबाट अवैध कपडा बरामद गरेको हो । गाडीबाट साडी ४ सय ५३ थान, सर्ट ९३ थान, कुर्ता सेट १ सय ५३ थान, सल १ सय ४२ थान, टप्स सेट १ सय ८५ थान, सिंगल टप्स ५ थान र सुरुवाल ६१ थान गरी ८ लाख रुपैयाँ बराबरको कपडाहरु बरामद गरि चालक समेतलाई नियन्त्रणमा लिई अनुसन्धान गरिरहेको प्रहरीले जनाएको छ
