हेटौँडाः नेपाल दशनामी समाज मकवानपुरले शनिबार हेटौँडा–१०, राप्तीबगरमा वृक्षरोपण गरेको छ । दशनामी समाजका केन्द्रीय सदस्य तुलसी गिरी, जिल्ला अध्यक्ष सुदिप राज गिरी, वरिष्ठ सल्लाहकार हरि गिरीसहित दशनामी समाजका पदाधिकारी तथा सदस्यका परिवारसहितको सहभागितामा वृक्षरोपण गरिएको छ ।
जडिबुट्टी प्रजातिका हर्रो, बर्रो, अमला, राजवृक्षसँगै सीमलका बिरुवा रोपिएका छन् । एक सय वटा बिरुवा रोपिएको दशनामी समाज मकवानपुरका अध्यक्ष सुदीप राज गिरीले जानकारी दिनुभयो । जटिबुट्टीका साथै राप्ती बगरक्षेत्रमा विशेषगरी गिद्द चराको संरक्षणमा सहयोगी सावित सिमलका बिरुवा रोपिएको अध्यक्ष गिरीले बताउनुुभयो ।
