हेटौँडाः मकवानपुरमा सोमबार ६ जनामा डेंगु पुष्टि भएको छ । डेंगु पुुष्टि हुनेमा ४ जना हेटौंडा उपमहानगरपालिकाका रहेका छन् । बकैया गाउँपालिकाका २ जनामा डेंगु पुष्टी भएको छ ।
मकवानपुरमा साउन १ गतेदेखि सोमबारसम्म ३ सय ५७ जनामा डेंगु देखिएको छ । जसमध्ये हेटौंडाका मात्र २ सय ४५ जना रहेका छन् । हेटौंडा उपमहानगरपालिकाभित्रका १ सय २४ पुरुष र १ सय २१ महिलामा डेंगु देखिएको मकवानपुर जनस्वास्थ्यका डेंगु फोकल पर्सन नवदीप सिलवालले जानकारी दिनुभयो ।
