हेटौँडाः मकवानपुरका बालसाहित्यकार समर्पण न्यौपाने बिहिबार काठमाडौंमा सम्मानित हुनुभएको छ । नेपाल प्रज्ञा प्रतिष्ठान मातहतको नेपाल बालसाहित्य समाजले जयपृथ्वी बाल प्रतिभा पुरस्कार–२०७९ बाट न्यौपानेलाई सम्मान गरिएको हो । नगद ५ हजार रुपैयाँसहित नेपाल प्रज्ञा प्रतिष्ठानका कुलपति भुपाल राईले मकवानपुरका समर्पण न्यौपानेलाई सम्मान गर्नुभएको हो ।
राष्ट्रिय विभूति जयपृथ्वीबहादुर सिंहको १४७ औं जन्मजयन्तीको अवसरमा समर्पणसँगै चित्रकार आश्रिती श्रेष्ठलाई पनि नगद ५ हजार रुपैयाँसहित सम्मान गरिएको छ । यस्तै जयपृथ्वी सम्मान तेजप्रकाश श्रेष्ठलाई प्रदान गरिएको छ । नेपाल बालसाहित्य समाजका अध्यक्ष प्रमोद प्रधानको अध्यक्षता तथा नेपाल प्रज्ञा प्रतिष्ठानका कुलपति भुपाल राईको प्रमुख आतिथ्यमा पुरस्कार तथा सम्मान कार्यक्रम भएको हो ।
