हेटौँडाः लागुऔषध गाँजासहित दुई महिलालाई मकवानपुर प्रहरीले पक्राउ गरेको छ । प्रहरीले पक्राउ परेका महिलाको परिचय खुलाएको छैन ।
मंगलबार बिहान ८ बजेको समयमा हेटौँडा–१० स्थित बसपार्कमा पृथ्वी बस काउन्टर अगाडि शंकास्पद अवस्थामा बसिरहेका मकवानपुरगढी गाउँपालिका–१ की ३२ वर्षीया र ३५ वर्षीया महिलालाई पक्राउ गरिएको जिल्ला प्रहरी कार्यालय मकवानपुरले जनाएको छ । प्रहरीले उनीहरुको साथबाट १२ किलो ६०० ग्राम गाँजा बरामद गरेको छ । बरामद भएको गाँजासहित उनीहरुलाई हिरासतमा राखी अनुसन्धान गरिरहेको प्रहरीले जनाएको छ ।
