हेटौंडाः साहित्य संगम मकवानपुरले ३३३ औं नियमित साहित्य सन्ध्याको अवसरमा अप्सरा तिम्सिना लम्साल स्मृति विशेष कार्यक्रम आयोजना गरिएको छ । साहित्य संगम मकवानपुरकी अध्यक्ष अनिता न्यौपानेको सभाध्यक्ष तथा कवि, निबन्धकार निर्माेही व्यासको प्रमुख आतिथ्यमा कार्यक्रम भएको हो ।
स्वर्गीय तिम्सिनाको तस्वीरमा माल्यार्पण गर्दै स्मृति विशेष साहित्य सन्ध्या आयोजना गरिएको हो । सन्ध्यामा तिम्सिनाको स्मृतिमा रचना समेत वाचन गरिएको छ । प्रमुख अतिथि व्यासले तिम्सिनालाई सम्झनुहुँदै भौतिक शरीरमात्र हामीमाझ नरहेको तर उहाँको कृतिहरु भने जिउँदै रहेको बताउनुभयो । कार्यक्रममा साहित्यकारहरु देवराज खरेल, हयग्रीव आचार्य, जनाद्र्धन खनाल, सुवास खनाल, यश लामा, निमेष निखिललगायतको उपस्थिति थियो ।
