हेटौँडाः हेटौँडा–११, थानाभर्याङबाट लागुऔषध गाँजा सहित प्रहरीले एक जनालाई पक्राउ गरेको छ । पक्राउ पर्नेमा बाराको निजगढ नगरपालिका–१, पटिहारी बस्ने १८ वर्षीय निकेस यादब रहेको प्रदेश प्रहरी कार्यालय हेटौँडाले जानकारी दिएको छ ।
बिहिबार सुचनाको आधारमा चितवनबाट बिरगंज जादै गरेको बागमती प्रदेश ०३–००१ ख २७६२ नम्बरको बसलाई सुरक्षा जाँच गर्दा बसमा सवार यादबको साथबाट ३ किलो ५ सय ग्राम लागुऔषध गाँजा फेला पारेको प्रहरीले जनाएको छ । लागुऔषध गाँजा सहित यादबलाई नियन्त्रणमा लिई अनुसन्धान गरिरहेको प्रहरीले जनाएको छ ।
