हेटौँडाः मकवानपुरको मनहरी गाउँपालिका–८ स्थित मनहरी बहुमुखी क्याम्पस परिसरमा वृक्षरोपण गरिएको छ । क्याम्पस परिसरमा आइतबार बिहान ५५ वटा बिरुवा रोपिएको स्वतन्त्र विद्यार्थी युनियन (स्ववियु) मनहरी क्याम्पस समितिका अध्यक्ष कुमार घिसिङले जानकारी दिनुभएको छ ।
कपुर, तेजपत्ता, निमलगायतका बिरुवा रोपिएको हो । क्याम्पस सञ्चालक समिति अध्यक्ष ओम बहादुर ग्लान, प्राध्यापक, विद्यार्थीको समूहले वृक्षरोपण गरेका हुन् । त्रिभुवन विश्वविद्यालयबाट सम्बन्धन प्राप्त मनहरी बहुमुखी क्याम्पसमा वाणिज्य र मानविकी संकायमा १ सय २ जना विद्यार्थी अध्ययनरत छन् ।
