हेटौँडाः हालै सार्वजनिक एसईईको नतिजा राम्रो आएको खुशीयालीमा वृद्धाश्रमलाई सहयोग गरिएको छ । हेटौँडा–२, चौकीटोलस्थित ॐ वृद्धाश्रमलाई एसईईमा राम्रो नतिजा आएको खुशीयालीमा खाद्यान्न सामग्री सहयोग गरिएको हो ।
हेटौँडा–४, भूटनदेवीरोड निवासी सुनकुमार मानन्धरले आश्रमलाई खानेकुरा सहयोग गर्नु भएको हो । बिहीबार प्रकाशित एसईईको रिजल्टमा राम्रो अंक ल्याई उत्तीर्ण भएको खुशीयालीमा आश्रमलाई खाद्यान्न सामग्री सहयोग प्राप्त भएको आश्रमका अध्यक्ष सिद्धिलाल श्रेष्ठले जानकारी दिनुभयो । आश्रममा आश्रित आमाबुवालाई मिठाई खुवाउनुका साथै चामल, तेल, चाउचाउ, पिठो, च्युरा, बिस्कुट, क्वाँटी, फुरनदाना, फ्रुटी, दाल, लुगाधुने साबुन, पाउरोटी, दूध र चियापत्ती सहयोग गर्नुभएको उहाँले जानकारी दिनुभयो ।
