हेटौंडाः मकवानपुर प्रहरीले लागूऔषध गाँजासहित एक जनालाई पक्राउ गरेको छ । पक्राउ पर्नेमा सर्लाही जिल्लाको कौडेना गाउँपालिका वडा नम्बर १ लक्ष्मीपुरका ३५ वर्षीय कौशल साह रहेको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले जानकारी दिनुभयो ।
शनिबार बिहान ६ बजेर ३० मिनेटको समयमा जिल्ला प्रहरी कार्यालय मकवानपुरबाट खटिएको प्रहरी टोलीले गस्ती गर्दै जाने क्रममा हेटौँडा–११, थानाभर्याङस्थित सामुदायिक प्रहरी सेवा केन्द्रअगाडि सडकखण्डमा शंकास्पदरुपमा पैदल हिँडिरहेको अवस्थामा साहलाई सुरक्षाजाँच गर्ने क्रममा लुकाईछिपाई ल्याएको अवस्थामा ४ किलो लागूऔषध गाँजा फेला पारेको हो । लागूऔषध गाँजासहित साहलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।
