हेटौंडाः मकवानपुर प्रहरीले भन्सार छलेर ल्याएको अवैध कपडा बरामद गरेको छ । सोमबार हेटौंडा–१५ स्थित रातोमाटेबाट ७० हजार रुपैयाँ बराबरको अवैध कपडा बरामद गरेको बागमती प्रदेश प्रहरी कार्यालय हेटौंडाले जनाएको छ ।
प्रहरीले वीरगञ्जबाट पोखरातर्फ जाँदै गरेको प्रदेश–२–०३–००१ ख ६२०५ नम्बरको यात्रुबाहक बसलाई सुरक्षाजाँच गर्ने क्रममा बसबाट साडी २३ पिस, कुर्था सुरुवाल ३५ पिस, जयपुरी कुर्था ९ पिस र थान कपडा ५ पिस फेला पारी बरामद गरेको हो । प्रहरीले उक्त कपडा बरामद गरेर बसलाई गन्तव्यतर्फ पठाइएको प्रहरीले जनाएको छ ।
