हेटौंडाः मकवानपुर प्रहरीले माउर माछाको भुरासहित एक जनालाई पक्राउ गरेको छ । पक्राउ पर्नेमा भारतका ३६ वर्षीय पुरन चौधरी रहेको जिल्ला प्रहरी कार्यालय मकवनपुरले जनाएको छ ।
सोेमबार साँझ ८ बजेको समयमा प्रहरीले हेटौंडा–१५, रातोमाटे चेक प्वाईन्टबाट चौधरीलाई नियन्त्रणमा लिएको हो । चौधरी काकरभिट्टाबाट बनेपा जाँदै गरेको बागमती प्रदेश ०१–००६ ख ५२३८ नम्बरको बसमा लुकाई छिपाई १२ वटा ड्रममा ल्याएको ८० किलो माउर माछा प्रहरीले फेला पारी बरामद गरेको हो । माछाको भुरा को मुल्य २४ हजार रुपैयाँ पर्ने प्र्रहरीले जनाएको छ । नेपालमा भारतबाट माउर माछा ल्याउन प्रतिबन्ध लगाएको छ । माछाको भुरासहित चौधरीलाई नियन्त्रणमा लिएर बसलाई गन्तब्यतर्फ पठाइएको प्रहरीले जानकारी दिएको छ ।
